​

Øll viðgerð av persónsupplýsingum í Heilsugranskingareindini fer fram eftir Dátuverndarlógini (Løgtingslóg nr. 80 frá 7. juni 2020 um vernd av persónsupplýsingum).

 

Heilsugranskingareindin leggur stóran dent á, at persónsupplýsingar verða viðgjørdar eftir lógini á ein tryggan hátt og eru væl vardar. Somuleiðis eru okkara starvsfólk kunnað og tilvitað um, hvussu vit handfara persónsupplýsingar sambært galdandi lóggávu.

 

Hetta merkir millum annað, at persónsupplýsingar:

• verða viðgjørdar lógliga, rímiliga og á gjøgnumskygdan hátt,

• verða savnaðar til nágreiniliga tilskilað og heimilað endamál, og

• verða nøktandi, viðkomandi og avmarkaðar til tað, sum er neyðugt til tey endamál, sum tær verða viðgjørdar til (§7 í dátuverndarlógini).

 

Tá ið Heilsugranskingareindin viðger persónsupplýsingar, er Heilsugranskingareindin dátuábyrgdari. Hetta merkir, at Heilsugranskingareindin hevur ábyrgd og skyldur sambært dátuverndarlógini fyri teimum persónsupplýsingum, sum Heilsugranskingareindin hevur innsavnað.

 

Tíni rættindi
Dátuverndarlógin gevur tær nøkur rættindi í mun til persónsupplýsingar, sum vit hava um teg. Hesi rættindi fevna m.a. um:

• Rætt til innlit

• Rætt til kunning

• Rætt til rætting

• Rætt til striking

• Rætt til mótmæli

• Rætt til viðgerðaravmarking

• Rætt til at seta seg ímóti automatiskari viðgerð

• Rætt til dátaflutning

 

Áheitan um innlit og onnur rættindi
Ynskir tú at gera brúk av omanfyristandandi rættindum, kanst tú senda ein teldupost til dfaa@health.fo við tínum fyrispurningi.

 

Hevur tú spurningar um handfaring av persónsupplýsingum í Heilsugranskingareindini ert tú altíð vælkomin at seta teg í samband við okkara dátuverndarfólk, Sjúrður Zachariasson, sjurdur@health.fo ella dfaa@health.fo

 

Tú hevur altíð møguleika at klaga til Dátueftirlitið, um tú ert ónøgd/ur við okkara viðgerð av tínum persónsupplýsingum. Tú finnur fleiri upplýsingar á heimasíðuni hjá Dátueftirlitinum, dat.fo.